Nýggja hetjan í Overwatch er ein svakur vísindamaður


Hetjan nummar 31 sum kemur til spælið Overwatch er avdúkað. Hann eitur Sigma, og hevur møguliga tað myrkastu baksøguna higartil.

Sigma var ein genialur vísindamaður sum granskaði í tyngdarkraft. Eitt miseydnað eksperiment gjørdi hann nærum svakan og sær út til at hava givið honum serlig evnir at stýra tyngdarkraftini.

Vit mangla enn at hoyra um hvat tú kanst gera sum Sigma í spælinum, men tú sært avdúkingina og baksøguna niðanfyri.

23/07/2019 klokkan 06:00 - HForce

Teaser fyri The Witcher røð á Netflix


Einaferð var ein bókarøð hjá polska høvundanum Andrzej Sapkowski. Tað var ikki ordiliga nakar sum legði nakað í tær.

Men so kom ein video spæl mennari, CD Projekt Red, og gjørdi spøl burturúr teimum. Og øll elskaðu tey.

Talan er um The Witcher, við karakterinum Geralt of Rivia sum høvuðspersón. Og nú verður hetta universið, og anti-hetjan, gjørt til eina Netflix røð.

Vit vita ikki nógv um hana enn, men í einum teaser síggja vit nógv sum vit kenna aftur. Sjálvandi við Geralti fremst, men eisini við karakterum sum Yennefer og ríkjum sum Nilfgaard.

Tú sært teaser fyri The Witcher røðini niðanfyri.

21/07/2019 klokkan 06:00 - HForce

Nintendo Switch verður enn meira portable


Tað eru trý ár síðani nýggjasta konsolið hjá Nintendo varð avdúkað. Talan er sjálvandi um Nintendo Switch, sum er serstakt uppá tann mátan at tað kann brúkast sum ein sjálvstøðug hándhildin maskina, men eisini knýtast til sjónvarpið sum ein "vanlig" konsol.

Nú avdúkar Nintendo eina nýggja útgávu: Switch Lite. Hon minnir um upprunaliga Switch, men kann bert brúkast hándhildið. Tú kanst ikki knýta tað at sjónvarpinum.

Switch Lite er eitt sindur minni: skermurin er 5,5 tummar heldur enn 6,2 tummar. Og joystickini ("Joy-Cons") kunnu ikki takast av, men sita fast sum integreraður partur av konsolinum.

Nintendo Switch Lite kemur út tann 20. september 2019, samstundis sum spælið Link's Awakening, í trimum ymsum litum: grátt, gult og turkis.

Tú sært avdúkingina av Nintendo Switch Lite niðanfyri.

10/07/2019 klokkan 06:00 - HForce

Warcraft III verður remastered


Eitt av mest týðandi spølum í søguni verður nú endurútgivið í einari remastered útgávu. Tað er Warcraft III, sum fyrstu ferð kom út í 2002.

Spælið hevur verið definerandi fyri RTS sjangruna og hevur skapt ein gróðrarbotn fyri MOBA sjangruna. Tað var nemliga í Warcraft III, at DotA sá dagsins ljós sum eitt “custom game”.

Endurútgávan kemur eisini at stuðla custom games, sambært útgevaranum Blizzard. Hetta inniber m.a. tower defense og MOBA spøl.

Tú kanst pre-keypa Warcraft III: Reforged longu nú, men spælið kemur út einaferð í næsta ár. Tú sært gameplay trailer niðanfyri.

02/11/2018 klokkan 06:00 - HForce

Trailer fyri single player í Battlefield V


Tað næsta Battlefield spælið gongur fyri seg undir øðrum heimsbardaga. Hesuferð eitur spælið Battlefield V og kemur út um ein mánaða.

Sum fyrra spælið (Battlefield 1) er single-player ikki ein lang søga, men fleiri einstakar "War Stories" sum fylgja einari styttri søgu undir krígnum, millum annað eina sum gongur fyri seg undir týsku innrásini í Noregi.

Battlefield V kemur út 20 november í ár til PC, PlayStation 4 og Xbox One. Tú sært nýggja trailer fyri single-player søgurnar niðanfyri.

16/10/2018 klokkan 06:00 - HForce

Likið video frá einum komandi Harry Potter RPG spæli


Fyri nógv av okkum hevur Harry Potter eitt serligt samband við barndómin. Tað gav okkum ein heim fullan av gandi og íblástri.

Síðani filmarnir byrjaðu at koma út eru eisini komin fleiri spøl, men tey hava fyri tað mesta verið beinleiðis tengd at filmunum. Tað sær út til at eitt spildurnýtt RPG spæl sett í Harry Potter universinum er á veg.

Tað sæst í einum video sum er likið av einum persóni sum sigur seg hava sæð spælið tá ið mennarin vildi testa hvat fólk halda um tað. Av tí sama er video’ið í vánaligari góðsku, av tí at tað er upptikið av einum skermi við einari telefon.

Tað sigst at spælið gongur fyri seg í 19. øld, og at tú ert ein næmingur á Hogwarts. Tú spælir nokk ikki ein persón vit longu kenna úr søguni, tí video’ið vísir ein character creator har tú kanst bestemma hvussu tú skalt síggja út.

Vit vita ikki nógv um hetta spælið, men tað verður spennandi at síggja hvat verður sagt um tað officielt. Tú sært tað liknað video niðanfyri.

03/10/2018 klokkan 06:00 - HForce

PlayStation Classic við 20 innbygdum spølum


Fyri næstan kvartari øld síðani varð tað fyrsta PlayStation avdúkað. Tað bleiv til eitt ekstremt væleydnað projekt, og fyri nógvar ommur og abbar bleiv PlayStation synonymt við eitt spæli-apparat (burtursæð frá abba mínum, sum kallaði alt fyri PlayBoy eftir at hava blandað PlayStation og GameBoy saman).

Sony avdúkar nú nýggja PlayStation Classic, ein maskina sum líkist tí upprunaligu, bara minni. Og hon kemur við 20 innbygdum klassiskum spølum, millum tey Final Fantasy VII og Tekken 3.

Sony fylgir í fótasporum hjá Nintendo, sum fyri tveimum árum síðani kom út við sínum egna NES Classic Edition.

PlayStation Classic verður útgivið tann 3. desember í ár. Tú sært avdúkingar video niðanfyri.

19/09/2018 klokkan 06:00 - HForce

Trading kemur endiliga til Pokémon GO


Vit fingu einaferð at vita, at skjótt kemur trading til Pokémon GO. Tað er eftirhondini tvey ár síðani.

Men hesuferð er tað faktiskt við at vera her! Tað sigur Niantic, mennarin av spælinum, á teirra bloggi. Har stendur, at trading kemur í spælið seinni hesa vikuna. So um tú manglar ein bestemtan pokémon fyri at gera títt pokédex liðugt, og títt vinfólk hevur hann, so er skjótt vón fyri framman.

Tað ljóðar væl gjøgnumhugsað, hvussu mann kann býta pokémons millum sín. Fyri tað fyrsta skal mann hava lagt hin spælaran afturat sum vin í spælinum. Fyri tað næsta kostar tað stardust at býta pokémons. Og um tú skalt hava ein serliga pokémon, so sum ein shiny, ein legendary ella ein tú ikki enn hevur í tínum pokédex, so skalt tú frammanundan hava bygt títt vinarband upp við hin spælaran. So tað verður ikki so líkatil at fáa fatur á einum región-spesifikkum pokémon frá turistum.

Tú kanst lesa meira um hvussu trading kemur at rigga á blogginum hjá Pokémon GO.
19/06/2018 klokkan 06:00 - HForce

Kategori Arkiv Síða [1] 2 3 4 5 6 ... 225 226 227 >