Føroyskir streamers verða Twitch Partners


Tú kennir ivaleyst heimsins størsta streaming platform fyri gaming, sum sjálvandi er Twitch. Eisini føroyingar eru byrjaðir at stream’a síni spøl á har, og tað er mega hyggeligt: akkurát sum fyrr tá mann samlaðist heima hjá vinfólki og skiftist um at spæla eitt spæl meðan hini hugdu at og tosaðu um spælið.

Serliga vælumtøktir streamarar kunnu gerast Partners hjá Twitch, soleiðis at tú kanst tekna eitt hald til teirra stream fyri eina lítla upphædd um mánaðin. Streamarin Arnarchy er blivin, okkum kunnugt, fyrsti føroyski streamarin sum er blivin Twitch Partner.

Sjálvt um Arnarchy er fyrsti føroyski streamer sum er blivin Partner, so er ein onnur føroysk kanal blivin Partner fyri einari tíð síðani: nemliga kanalin hjá esport.fo, sum m.a. hevur víst dystir frá eLan kappingini sum nýliga varð hildin.

Arnarchy fortelur, at hann byrjaði longu at streama í 2014, men at hann nýliga er farin í gong aftur.

“Eg eri heilt bitin aftur av streaming aftaná góðu respons eg havi fingið frá hyggjarum. Tí setti eg mær fyri, at eg skuldi streama í 14 dagar á rað.” - Arnarchy


Síðstu dagurin í 14-daga røðini verður tann 10. desember, so har eru nakrir dagar eftir at fylgja við hjá Arnarchy. Og ivaleyst hoppar hann online av og á a streama sjálvt tá teir 14 dagarnir eru farnir. Um tú vilt fáa boð tá hansara stream byrjar, so kanst tú trýsta “follow” á hansara kanal. Tú kanst eisini kanna á Gaming.fo, har tú sært status á stream hjá Arnarchy og øðrum til høgru.
07/12/2017 klokkan 06:00 - HForce

Blizzard gera officiellan vanilla WoW servara


Skjótt kanst tú enduruppliva barndómin, tá tú meldaði teg sjúka/n úr skúlanum og sat heima allan dagin fyri at spæla World of Warcraft.

Tað eru 13 lang ár síðani, at WoW varð útgivið fyri fyrstu ferð, og síðani tá eru nógvar uppdateringar og ekspansiónir komnar til spælið. Tó eru tað nógv fólk som leingjast eftir “góðu gomlu tíðini” uttan panda-bjørnum og øðrum nýggjum hóvastáki. Tí hava privatir servarar sum koyra upprunaliga WoW, sokallaða Vanilla WoW, veri væl-dámdir hjá nógvum spælarum.

Men ikki øll eru glað fyri privatar servarar. Fyri hálvum øðrum ári síðani syrgdi Blizzard fyri, at stóri servarin Nostalrius við yvir 150.000 aktivum spælarum varð lukkaður niður. Men seinni hoyrdu vit, at Blizzard kannar møguleikan at stovna ein Vanilla WoW servara sjálvi.

Nú avdúka tey, at tað verður til veruleika. Enn er ongar detaljur, men Blizzard fortelja at tey stovna ein officiellan Vanilla WoW servara. Við bíða enn at hoyra, nær tað verður, og hvat tað kemur at kosta. Inntil tá kanst tú síggja nýggja trailaran fyri World of Warcraft Classic niðanfyri.

05/11/2017 klokkan 06:00 - HForce

The Walking Dead fær eitt augmented reality spæl


Tann heilt stóra succes-søgan Pokémon GO var eitt av teimum fyrstu spølunum sum fingu ordiliga væl útnyttað "augmented reality" (AR), har tú leggur ein alternativan veruleika omaná tín egna fysiska veruleika.

Nógv væntaðu at síggja eina rúgvu av kopium tá ið Pokémon GO byrjaði at prenta pengar, men vit hava ikki sæð nakað serligt til líknandi spøl.

Nú er tó avdúkað, at kenda sjónvarps-røðin The Walking Dead verður gjørt til eitt AR spæl. Tú hevur nokk ofta diskutera við vinir, hvussu tit vildu gjørt í einari hypotetiskari zompie apocalypse, men komandi AR spælið vil nemliga fylla tín egna fysiska heim við zombies.

Hetta riggar allarhelst við at tú peikar títt kamera á telefonini rundanum teg, og zombies koma eftir tær úr øllum ættum. So kanst tú brúka vápn tú finnur til at berja hesar zombies vekk. Eisini sær tað út til, at tú kanst rekruttera figurar úr sjónvarps-røðini at berjast við tær.

Spælið eitur The Walking Dead: Our World, og varð avdúkað við einum nýggjum trailer sum tú sært niðanfyri. Tíverri síggja vit einki konkret gameplay, men vit fáa allarhelst skjótt at síggja akkurát hetta spælið kemur at rigga.

30/08/2017 klokkan 06:00 - HForce

Stór uppdatering til Pokémon GO


Kempustóra dillan síðsta summar var Pokémon GO, spælið til smartphones har tú kanst fanga pokémons í veruliga heiminum. Hóast spælið bleiv mest populera mobil spælið nakrantíð, so er populariteturin bara dalaður síðani tá.

Skjótt kemur tó ein stór uppdatering, sum kanska ger at Pokémon GO aftur verður spælt av fleiri fólki úti í summarveðrinum.

Skjótt verða allir Gyms fyribils lukkaðir, og so koma stórar broytingar. Har verður í framtíðini bara pláss fyri seks pokémons á hvørjum Gym, men tú skalt ikki longur trena ein Gym upp við prestige fyri at fáa meira pláss. Har verður eisini bara pláss fyri einum einkultum pokémon av hvørjum slagi, so har verða ikki Gyms sum bara eru mannaðir av dragonites.

Nokk mest spennandi uppdateringin er “raids”. Av og á broytist ein Gym til eitt kempustórt egg, har ein kraftigur pokémon er at finna. Tá kunnu upp til 20 fólk berjast móti hesum pokémon í senn, og tá kanst tú vinna serlig ting, so sum nýggj Rare Candies og Golden Razz Berries.

Tú kanst lesa meira um broytingarnar á heimasíðuni hjá Pokémon GO.
19/06/2017 klokkan 06:00 - HForce

Upprunaliga StarCraft verður remastered


Fyri skjótt tveimum áratíggjum síðani revolutioneraði StarCraft RTS-sjangruna, og bleiv til ein av fyrstu kempustóru e-sport greinum.

Í dag er eftirfylgjarin, StarCraft 2, tað størra e-sport spælið, men eftirmælið av StarCraft er enn stórt.

Tí hava Blizzard avdúkað, at í summar verður StarCraft og SC: Brood War remastered við spildurnýggjum grafikki! Lætta loysnin vildi verið at endurskapt spælið við nýggjaru tøknini úr StarCraft 2, men um tú hyggur eftir samanberingum á heimasíðuni hjá StarCraft, so sært tú týðiliga, at tað er klassiska útsjóndin men við einum high-definition facelift.

Faktiskt sigur Blizzard, at upprunaliga StarCraft og remastered útgávan verða so kompatibul, at tveir spælarar kunnu spæla móti hvørjum øðrum, sjálvt um ein hevur gomlu útgávuna og ein hevur nýggju útgávuna.

Tú sært avdúkingartrailer fyri StarCraft Remastered niðanfyri.

27/03/2017 klokkan 06:00 - HForce

Hearthstone: Journey to Un’Goro


Skjótt kemur aftur ein nýggj Hearthstone ekspansión, og hon eitur Journey to Un’Goro.

Avdúkingin vísir okkum Un’Goro sum eitt volkaniskt land har fornfrøðilig djór og plantur liva og doyggja. Nógv av teimum hava duldar maktir vegna sterka Elemental gandin í økinum.

Ekspansiónin gevur okkum sjálvandi eina rúgvu av nýggjum kortum. Nøkur av teimum hava eina nýggja tribe: Elemental. Eisini gomul kort verða umgjørd til at verða Elemental.

Summi kort hava eisini ein heilt nýggjan eginleika: Adapt. Hesi kortini eru óvanliga dýr í mun til síni stats, men tá ið tú spælir tey, sleppur tú at velja ein nýggjan eginleika, so sum Windfury ella Taunt. Tú kanst velja millum tríggjar ymsar eginleikar, og hesir tríggir eginleikar verða tilvildarliga valdir millum eina pulju á tíggju.

Sum nakað av tí mest spennandi kemur eitt heilt nýtt kortslag! Tað er nemliga Quests, sum vit kenna tær so væl úr World of Warcraft. Ein Quest kostar altíð eitt mana at spæla, og gevur tær eina serliga uppgávu, so sum at spæla 7 kort við Deathrattle. Tá ið tú hevur klárað tína quest, fært tú eitt ekstremt sterkt kort sum vinning.

Journey to Un’Goro kemur út tíðliga í Apríl, og tú sært video avdúkingina fyri ekspansiónina niðanfyri.

01/03/2017 klokkan 06:00 - HForce

Tveir mánaðir til Mass Effect: Andromeda


Fyrstu ferð vit hoyrdu um komandi Mass Effect spælið var fyri skjótt tveimum árum síðani. Spælið gongur fyri seg nógv hundrað ár aftaná upprunaligu trilogiina, og í einari spildurnýggjari galaksu.

Spælið hjá BioWare hevur verið ávegis í eina tíð nú, og tað tykiskt at Andromeda hevur stórri fokus á exploration enn farnu spølini, men nýggjur cinematiskur trailer gevur eisini eina ábending um eina stóra søgu um yvirlivilsi hjá menniskja-rasuni.

Tú sært hendan trailer niðanfyri. Mass Effect: Andromeda kemur út tann 21. mars til PC, PlayStation 4 og Xbox One.

29/01/2017 klokkan 06:00 - HForce

Zelda: Breath of the Wild kemur í mars


So er tað 2017, árið har nýggja konsolið hjá Nintendo kemur út. Og vit skulu ikki bíða leingi. Tað verður nemliga útgivið tann 3. mars, um styttri enn tveir mánaðir.

Tá ið maskinan verður útgivin, kemur eisini samstundis nýggjasta spælið í The Legend of Zelda røðini. Tað eitur Breath of the Wild, og gongur sum vant fyri seg í ríkinum Hyrule.

Tú sært ein flottan trailer við ekstremt imponerandi tónleiki afturvið niðanfyri. The Legend of Zelda: Breath of the Wild verður útgivið tann 3. mars, samstundis sum Nintendo Switch.

16/01/2017 klokkan 06:00 - HForce

Kategori Arkiv Síða [1] 2 3 4 5 6 ... 223 224 225 >