Final Fantasy XV: Pocket Edition launch trailer


Tað er eitt sindur yvir eitt ár síðani, at Final Fantasy XV kom út til PlayStation 4. Nú er komin ein nýggj útgáva av spælinum út, hesuferð til mobilar eindir sum smartphones og tablets.

Sjálvandi ber ikki til at endurskapa grafikkin frá PS4 á hesum lítlu tólum, so spælið er munandi minkað í grafiskum kvaliteti. Eisini hava allir figurarnir fingið ein sokallaðan "chibi" stíl, har tey síggja so mega-fitt út.

Tú sært launch trailer fyri Final Fantasy XV: Pocket Edition niðanfyri.

11/02/2018 klokkan 06:00 - HForce

Stórar broytingar til Nuke í CS:GO


Tað er komin ein uppdatering til Counter-Strike: Global Offensive, sum nertir við nógv økir av spælinum. Tú sært fullar release notes á CS blogginum. Men stórsta broytingin fyri nógvar seriøsar spælarar er ivaleyst broytingar til banan de_nuke.

Millum annað er catwalk uttanfyri totalt fjernað. B-site hevur eisini fingið nakrar broytingar, og á A-site er vindeyga út til squeaky fjernað.

Tú kanst trýsta her fyri at síggja eitt mynda album sum vísir tær ymsu broytingarnar til de_nuke.
09/02/2018 klokkan 06:00 - HForce

Nýggjur story trailer fyri God of War


Fyri tveimum árum síðani sóu vit ein langan gameplay trailer fyri spælið God of War, sum kemur út í ár. Ein nýggjur story trailer er nú komin, sum hintar til hvat Kratos gongur og ger á ellisárum.

Nýggjasta spælið í røðini hevur enn Kratos í høvuðsrolluni, og hann er blivin familjumaður. Spælið gongur fyri seg í einum norðurlendskum landslagi, og sær út til at vera nógv baserað á norrøna mytologi.

God of War kemur út tann 20. apríl í ár. Tú sært nýggja story trailer niðanfyri.

25/01/2018 klokkan 06:00 - HForce

Tú kanst byggja leikur við Nintendo Labo


Nintendo er kent fyri at vera innovativt, og ofta veit mann ikki ordiliga hvat mann skal halda tá mann sær hvat tey finna uppá. Tað sama er galdandi fyri teirra nýggjastu avdúking, Nintendo Labo: tað sær út til at kann verða mega feitt, men tað kann eisini fella til jørðina.

Nintendo Labo er eitt nýtt "spæl" (fyri mangul av einum betri orði) til Nintendo Switch. Tú keypir eitt byggi-sett frá Nintendo, sum tú kanst brúka til at byggja ymiskar leikur úr pappi: eitt hús, ein fiskitráða, ein robottur, o.s.fr. So setir tú tínar Switch Joycons í nýggju leikuna fyri at aktivera hana.

Til dømis kanst tú byggja eina robott-drakt, sum ger at tínar rørslur verða gjørdar av einum stórum robotti á skerminum. Ella tú kanst byggja eitt stýri-hjól og pedalir til ein bil.

Hesar leikurnar eru gjørdar av Nintendo og verða bygdar av tær, men tað verður eisini sipað til, at tú kanst finna uppá heilt nýggjar mátar at brúka Nintendo Labo uppá, sjálvt um vit mangla detaljur uppá tað.

Nintendo Labo verður tøkt í Evropa tann 27. apríl. Tú sært avdúkingina niðanfyri.

18/01/2018 klokkan 06:00 - HForce

Speedrunners samla $2 milliónir til vælgerandi endamál


Ársliga Games Done Quick átakið er liðugt, og í ár komu donatiónir áljóðandi $2.269.174,96 USD, sum svarar til næstan 14 milliónir krónir. Upphæddin verður latin til Prevent Cancer Foundation.

Tiltakið gongur út uppá, at í nakrar dagar koyrir eitt stream konstant, har speedrunners (spælarar sum gjøgnumføra eitt spæl so skjótt sum møguligt) hava gjørt í ár tilsamans 154 gjøgnumføringar. Tú kanst síggja allar á hesi leinkju.
15/01/2018 klokkan 06:00 - HForce

Føroyskir streamers verða Twitch Partners


Tú kennir ivaleyst heimsins størsta streaming platform fyri gaming, sum sjálvandi er Twitch. Eisini føroyingar eru byrjaðir at stream’a síni spøl á har, og tað er mega hyggeligt: akkurát sum fyrr tá mann samlaðist heima hjá vinfólki og skiftist um at spæla eitt spæl meðan hini hugdu at og tosaðu um spælið.

Serliga vælumtøktir streamarar kunnu gerast Partners hjá Twitch, soleiðis at tú kanst tekna eitt hald til teirra stream fyri eina lítla upphædd um mánaðin. Streamarin Arnarchy er blivin, okkum kunnugt, fyrsti føroyski streamarin sum er blivin Twitch Partner.

Sjálvt um Arnarchy er fyrsti føroyski streamer sum er blivin Partner, so er ein onnur føroysk kanal blivin Partner fyri einari tíð síðani: nemliga kanalin hjá esport.fo, sum m.a. hevur víst dystir frá eLan kappingini sum nýliga varð hildin.

Arnarchy fortelur, at hann byrjaði longu at streama í 2014, men at hann nýliga er farin í gong aftur.

“Eg eri heilt bitin aftur av streaming aftaná góðu respons eg havi fingið frá hyggjarum. Tí setti eg mær fyri, at eg skuldi streama í 14 dagar á rað.” - Arnarchy


Síðstu dagurin í 14-daga røðini verður tann 10. desember, so har eru nakrir dagar eftir at fylgja við hjá Arnarchy. Og ivaleyst hoppar hann online av og á a streama sjálvt tá teir 14 dagarnir eru farnir. Um tú vilt fáa boð tá hansara stream byrjar, so kanst tú trýsta “follow” á hansara kanal. Tú kanst eisini kanna á Gaming.fo, har tú sært status á stream hjá Arnarchy og øðrum til høgru.
07/12/2017 klokkan 06:00 - HForce

Blizzard gera officiellan vanilla WoW servara


Skjótt kanst tú enduruppliva barndómin, tá tú meldaði teg sjúka/n úr skúlanum og sat heima allan dagin fyri at spæla World of Warcraft.

Tað eru 13 lang ár síðani, at WoW varð útgivið fyri fyrstu ferð, og síðani tá eru nógvar uppdateringar og ekspansiónir komnar til spælið. Tó eru tað nógv fólk som leingjast eftir “góðu gomlu tíðini” uttan panda-bjørnum og øðrum nýggjum hóvastáki. Tí hava privatir servarar sum koyra upprunaliga WoW, sokallaða Vanilla WoW, veri væl-dámdir hjá nógvum spælarum.

Men ikki øll eru glað fyri privatar servarar. Fyri hálvum øðrum ári síðani syrgdi Blizzard fyri, at stóri servarin Nostalrius við yvir 150.000 aktivum spælarum varð lukkaður niður. Men seinni hoyrdu vit, at Blizzard kannar møguleikan at stovna ein Vanilla WoW servara sjálvi.

Nú avdúka tey, at tað verður til veruleika. Enn er ongar detaljur, men Blizzard fortelja at tey stovna ein officiellan Vanilla WoW servara. Við bíða enn at hoyra, nær tað verður, og hvat tað kemur at kosta. Inntil tá kanst tú síggja nýggja trailaran fyri World of Warcraft Classic niðanfyri.

05/11/2017 klokkan 06:00 - HForce

The Walking Dead fær eitt augmented reality spæl


Tann heilt stóra succes-søgan Pokémon GO var eitt av teimum fyrstu spølunum sum fingu ordiliga væl útnyttað "augmented reality" (AR), har tú leggur ein alternativan veruleika omaná tín egna fysiska veruleika.

Nógv væntaðu at síggja eina rúgvu av kopium tá ið Pokémon GO byrjaði at prenta pengar, men vit hava ikki sæð nakað serligt til líknandi spøl.

Nú er tó avdúkað, at kenda sjónvarps-røðin The Walking Dead verður gjørt til eitt AR spæl. Tú hevur nokk ofta diskutera við vinir, hvussu tit vildu gjørt í einari hypotetiskari zompie apocalypse, men komandi AR spælið vil nemliga fylla tín egna fysiska heim við zombies.

Hetta riggar allarhelst við at tú peikar títt kamera á telefonini rundanum teg, og zombies koma eftir tær úr øllum ættum. So kanst tú brúka vápn tú finnur til at berja hesar zombies vekk. Eisini sær tað út til, at tú kanst rekruttera figurar úr sjónvarps-røðini at berjast við tær.

Spælið eitur The Walking Dead: Our World, og varð avdúkað við einum nýggjum trailer sum tú sært niðanfyri. Tíverri síggja vit einki konkret gameplay, men vit fáa allarhelst skjótt at síggja akkurát hetta spælið kemur at rigga.

30/08/2017 klokkan 06:00 - HForce

Kategori Arkiv Síða < 1 2 [3] 4 5 6 ... 225 226 227 >